Эксперты падлічылі, колькі грошай страціць Беларусь ад падатковага манеўра


Рэканструкцыя нафтапроваду Дружба паміж Мазыром і Берасцем у кастрычніку 2018-га. Фота – Forum / ТАСС

Эксперты даследчага цэнтру Інстытуту прыватызацыі і менеджменту прыйшлі да высновы, што агульныя бюджэтныя страты Беларусі ў выніку падатковага манеўра за 2019-2024 гады складуць $ 9, 282 млрд. Гэтыя дадзеныя былі агучаныя 6 снежня на прэзентацыі прагнозу макраэканамічнага развіцця Беларусі.

Нагадаем, падатковы манеўр, які сёлета пачала рэалізоўваць Расея, прадугледжвае паэтапнае абнуленне экспартных мытаў на нафту пры адначасовым павышэнні падатку на здабычу карысных выкапняў. У выніку з 2024 года Беларусь будзе закупляць сыравіну за сусветныя кошты і пазбавіцца перавагі над канкурэнтамі па-за межамі ЕАЭС.

Страты ўключаюць у сябе сябе зніжэнне даходаў ад «ператаможкі» і даходаў ад экспарту нафты ды нафтапрадуктаў. Страты будуць з кожным годам толькі расці. Напрыклад, паводле экспертаў ІПМ, зніжэнне даходаў бюджэту сёлета складзе толькі $ 202,3 млн, а ў наступным ужо $ 968,5 млн. Пры цане на нафту на ўзроўні 60 долараў за барэль да 2024 года штогадовае зніжэнне даходаў бюджэту Беларусь адносна ўзроўню 2018 года дасягне больш за $ 1,5 млрд.

Паводле ІПМ, сумарныя страты бюджэту Беларусі складуць:

  • у 2019 годзе – $ 1009,7 млн.
  • у 2020 годзе – $ 1362,9 млн.
  • у 2021 годзе – $ 1344,1 млн.
  • у 2022 годзе –$ 1612,7 млн.
  • у 2023 годзе – $ 1858,9 млн.
  • у 2024 годзе – $ 2093,9 млн.
Табліца стратаў бюджэту Беларусі паводле экспертаў ІПМ. Крыніца – research.by

Летась міністр фінансаў Беларусі Максім Ермаловіч заявіў, што агульныя страты бюджэту краіны ад падатковага манеўру з 2019 да 2024 года могуць дасягнуць $ 8–12 млрд. Менск хоча атрымаць ад Масквы кампенсацыю за падатковы манеўр, але расейскі бок на гэта пакуль не пагадзіўся.

Сусветны банк пагоршыў прагноз для Беларусі праз падатковы манеўр

ІІ belsat.eu

Глядзі таксама
Каментары