Аб гэтым у Facebook напісаў ейны муж.
Учора, 7 жніўня, жыхарка Менску Юлія Гагуліна брала ўдзел у роварным прабегу салідарнасці. Дзяўчыну спрабаваў зняць з ровару АМАП і ў выніку зламаў ёй руку. Прычына брутальнага затрымання – Юлія, маўляў, ехала не па роварнай сцежцы.
https://www.facebook.com/siarhei.hahulin/posts/3475488342470246
«Па факту закрыты асколачны пералом прамянёвай косткі, шылавіднага адростку лакцявой косткі са змяшчэннем адломкаў, ушыб мяккіх тканінаў галавы. Дзякуем адважных супрацоўнікам у цывільным за якасную службу!», – напісаў у Facebook муж Юліі Сяргей Гагулін.
Сяргей паведаміў «Белсату», што зараз Юлія добра сябе пачувае.
Нагадаем, што 7 жніўня падчас акцыяў салідарнасці былі брутальна затрыманыя 6 чалавек. У аднаго з раварыстаў здарыўся прыступ эпілепсіі яго забірала хуткая. Раман Жарабцоў зараз знаходзіцца ў ІЧУ і чакае на суд, Канстанцін Бурдо быў у Кастрычніцкім РУУСе.
КТ belsat.eu