Працаўнікам нацыянальнага парку «Белавежская пушча» забаранілі «выкарыстоўваць у сваёй гаспадарчай дзейнасці» сайты TUT.BY і Onliner.by. Адпаведны загад патрапіў у рэдакцыю сайта TUT.by.
Паводле дакументу «Аб забароне наведвання інтэрнэт-парталаў», працаўнікі нацыянальнага парку павінныя «пад персанальную адказнасць» выключыць выкарыстанне парталаў TUT.by і Onliner.by ў сваёй «гаспадарчай дзейнасці». Працаўнікам забараняецца не толькі наведваць гэтыя інтэрнэт-парталы, але нават і іх субдамены з любых лічбавых прыладаў і сетак, якія належаць парку. Тэхнікі і адміністратары павінныя кожны дзень выбарачна правяраць кампутары працаўнікоў «на прадмет наведання» забароненых сайтаў.
Адміністрацыя парку, якае падпарадкоўваецца Кіраўніцтву справамі прэзідэнта, тлумачыць неабходнасць такой забароны «для ўпарадкавання выкарыстання нацыянальнага сегменту сеткі інтэрнэт».
У Telegram-каналах паведамляецца, што аналагічную забарону ўвялі для шэрагу іншых прадпрыемствах у Беларусі.
«У «Берасцеэнерга» ад сёння ўключылі фільтры інтэрнэту якія забараняюць выкарыстанне youtube, onliner, tut.by, некаторыя сацсеткі і інш. у карпаратыўнай сетцы», – паведамляе Telegram-канал «Мая краіна Беларусь».
СК belsat.eu