Выдаваць пропускі будуць усім бясплатна.
З 1 студзеня адмененае мыта для наведвання памежнай зоны і паласы, паведамляе Дзяржаўны памежны камітэт.
Цяпер выдача пропускаў будзе ажыццяўляцца бясплатна для ўсіх.
У ведамстве нагадалі, што Дзяржпамежкамітэт планамерна прапаноўвае ініцыятывы, каб спрасціць умовы перабывання на памежжы. Так, у 2017 годзе адмянілі мыта за перабыванне ў памежнай зоне для грамадзянаў Беларусі, замежных грамадзянаў і асоб без грамадзянства, якія стала жывуць у Беларусі. А ў 2019 годзе адмянілі мыта за выдачу пропускаў у памежную зону для замежнікаў.
ІК, belsat.eu