Дзяржаўная дума Расеі прыняла закон, які дазваляе грамадзянам РФ «свабодна збіраць ламачча для ўласных патрэб», паведамляе ria.ru.
Удакладняецца, што ўнясенне адпаведных зменаў у Лясны кодэкс РФ дазволіць грамадзянам нарыхтоўваць і збіраць ствалы дрэваў, якія ўпалі на зямлю, або іхныя часткі, сучкі ды галіны для ўласных патрэб.
Закон павінен уступіць у сілу 1 студзеня 2019 года.
Цяпер для збору ламачча ў Расеі неабходна заключаць дамову куплі-продажу аб набыцці лясных насаджэнняў.