Дзерыпаска адсудзіў больш $ 15 тысяч у Насці Рыбкі і Алекса Леслі


У якасці маральнай шкоды бізнесовец мае атрымаць ад скандальна вядомай беларускі і ейнага «секс-інструктара» па 500 тысяч расейскіх рублёў.

Гэткае рашэнне прыняў суд Усць-Лабінска ў Краснадарскім краі.

Пра гэта паведамляе «Інтэрфакс» са спасылкай на адваката Аляксея Мельнікава, які прадстаўляе інтарэсы Алега Дзерыпаскі. Бізнесовец на суд не прыехаў.

***

8 лютага Аляксей Навальны апублікаваў расследаванне пра сувязь Алега Дзерыпаскі з віцэ-прэм’ерам Сяргеем Прыходзькам. Паводле Навальнага, яны адпачывалі на яхце алігарха ў Нарвегіі разам з супрацоўніцай «індустрыі эскортных паслуг» пад псеўданімам Насця Рыбка. Інфармацыю для свайго расследавання Навальны знайшоў у інстаграме і кнізе бабруйчанкі.

У лютым бізнесовец падаў пазоў супраць Леслі і Рыбкі праз публікацыю ў сацсетках фотаздымкаў і аўдыёзапісаў ягоных размоваў, якія, паводле мільярдэра, раскрываюць дэталі яго прыватнага жыцця.

ДР belsat.eu

 

 

Глядзі таксама
Каментары