Рух усіх відаў транспарту па праспекце Машэрава ад вуліцы Даўмана да праспекту Пераможцаў будзе абмежаваны на час трэнавання зводнай роты ганаровай варты, прымеркаваных да параду войскаў Менскага гарнізону 3 ліпеня.
Акрамя таго, у сувязі з рэпетыцыяй параду зменяцца маршруты грамадскага транспарту. Змены ўносяцца 3, 6, 10, 13, 17 і 20 чэрвеня на перыяд з 21.00 да 23.00. Яны закрануць аўтобусы № 29, 44, 136.
Яны будуць рухацца наўпрост па пр. Машэрава, вул. Даўмана, Старавіленскім тракце, вул. Нававіленскай, вул. Арлоўскай і далей па сваіх маршрутах з прыпынкамі «Нававіленская» і «Выставачны комплекс». У адваротным кірунку яны будуць спыняцца на прыпынках «Гасцініца «Юбілейная» і «станцыя метро Няміга».
Традыцыйны вайсковы парад, прымеркаваны да 75-й гадавіны вызвалення Беларусі ад фашысцкіх захопнікаў, пройдзе 3 ліпеня ў першай палове дня.
