Разам з пацяпленнем да жыхароў беларускай сталіцы прыходзіць і сезон адключэння гарачай вады.
Вось тут вы можаце знайсці свой дом і пачаць думаць, што з гэтым рабіць.
– не прылічвае сябе да неанеардэльтальца;
– не адэпт тэорыі «мыцца кожны дзень – шкодна для здароўя»;
– не марыць пра дасягненні Ледзянога чалавека.
Каб не застацца апошнім брудным сярод суседзяў, belsat.eu сабраў дасяжныя варыянты асвяжыцца цягам двух тыдняў рамонтных працаў цепласетак.
У Менску вялікая колькасць баняў і саўнаў на розны густ. Для адных гэта прывітанне з СССР і маральная траўма на ўсё жыццё, для іншых добрая магчымасць захоўваць гігіену цела.
Баня на Аўтазаводскай
Сеанс (дзве гадзіны) тут каштуе 7 рублёў. У выходныя – 8 рублёў. Жаночы дзень – толькі нядзеля з 15:00 да 18:00. Паводле працаўніка ўстановы, дзяўчаты вельмі мала і рэдка сюды заглядаюць, баня ў мясцовых жыхарак не карыстаецца папулярнасцю.
Сярэдні кошт паходу ў баню на дзве гадзіны – 9 рублёў. Цана на разавае наведванне басейна ў Менску – ад 8 рублёў на аднаго чалавека.
Ёсць некалькі рэсурсаў, дзе можна знайсці дадатковую інфармацыю пра кошты і час працы водных установаў.
Яны ёсць не на кожнай аўтазапраўцы. У пошуках водных працэдураў мы трапілі на АЗС «Трайпл № 2», дзе нам распавялі, што канкрэтна на іхнай станцыі гэтай паслугі няма, але ёсць на іншых. На пытанне, калі б да іх прыйшлі жыхары суседніх дамоў, дзе адключылі трубы, малады чалавек адказаў:
«Гэтая паслуга бясплатная, кожны можа скарыстацца. Хай прыходзяць, усіх прымем».
Самы час скідаць тлушчавую тканку і брацца за сябе, сезон бікіні не за гарамі. Заадно і памыцца ўдасца. Адное наведванне каштуе каля 10 рублёў.
Правераны часам і нервамі варыянт, які ніколі не падводзіў. Галоўнае, узброіцца вялікаю тарай.
Для тых, хто стаміўся ад тазікаў і не мае сяброў, якія могуць пусціць памыцца.
«Блізкае адключэнне гарачае вады давядзецца перажыць, грэючы ваду ў рондалях. А на выходных можна ездзіць мыцца ў суседні раён Менску да родзічаў. Быў і зручнейшы варыянт – усталяваць бойлер. Але пакуль гарачая вада цячэ з крана, рукі не даходзяць, а, калі знікае, – тут і згадваеш», – напісала нашая чытачка.
Можна браць напракат.
Можна давесці сябе да ладу з дапамогаю сухога шампуню, вільготных сурвэтак, тонікаў. Эфектыўнасць на чацвёрты дзень можа быць сумнеўная, затое з’явіцца імпульс паспрабаваць іншыя метады.
Хітрык з пральнай машынай апісваць не будзем, лепш ідзіце ў басейн!
ДР belsat.eu