Дызайнер Уладзімір Цэслер зʼехаў з Беларусі, пра гэта паведаміў у Facebook Яўген Ліпковіч. Пазней сам Цэслер пацвердзіў гэтую інфармацыю журналістам TUT.BY.
Паводле Цэслера, пакінуць Беларусь яго папрасілі сябры. Канкрэтных пагрозаў не было, але мне сказалі: «ты што, хочаш, каб цябе закаталі ў асфальт», – распавёў дызайнер.
«Я ў бяспецы, буду далей працаваць дзеля Беларусі і спадзяюся хутка вярнуся дамоў», – заявіў Уладзімір Цэслер.
Цэслер уваходзіць у Каардынацыйную раду, якую стварыла Святлана Ціханоўская.