Ад сённяшняга дня аўтааматары змогуць бясплатна праверыць тэхнічны стан сваіх аўтаў на выбраных запраўках. Акцыя працягнецца да 1 чэрвеня.
Праверка зойме каля паўгадзіны і закране ўсе электронныя сістэмы.
Зоны дыягностыкі на запраўках размесцяцца ў адмысловых шатрах, дзе паставяць неабходнае абсталяванне. Каб пратэставаць аўтамабіль, трэба будзе пад’ехаць да намёту і звярнуцца да спецыяліста. Усё астатняе зробяць адмыслоўцы па дыягностыцы: падключацца да аўтамабіля, зробяць праверку і дадуць рэкамендацыі.
Праверкі будуць праходзіць у другой палове дня на запраўках у трох гарадах – Менску, Барысаве і Брэсце.
21 траўня мабільная станцыя дыягностыкі будзе працаваць у Барысаве на вуліцы Гагарына.
22 траўня яна пераедзе ў Берасце на вуліцу лейтэнанта Рабцава, 39.
У Менску машыны будуць тэставаць пяць дзён:
28 траўня – на вул. Ваўпшасава, 12
29 траўня – на вул. Матусевіча, 35А
30 траўня – на вул. Кіжаватава, 84
31 траўня – на Партызанскім праспекце, 103б.
1 чэрвеня – на вул. Купрэвіча, 2а
БЕЛТА піша, што пасля дыягностыкі кіроўца атрымае пратакол праверкі, якім можна будзе кіравацца пры далейшым рамонце або абслугоўванні аўтамабіля.
Дакумент стане абʼектыўнай ацэнкай тэхнічнага стану аўтамабіля і можа, напрыклад, выкарыстоўвацца ў якасці аргументу пры яго продажы або куплі.
ДД