У Лагойску 14 студзеня па вуліцах гуляла батлейка з песнямі, Казою, Цыганкаю, Мядзведзем ды іншымі героямі.
Удзельнікі калядак вырашылі, што пандэмія – не нагода адмяняць народную традыцыю. Але прынялі некаторыя захады засцярогі: не вадзілі карагодаў з дзецьмі гаспадароў, намагаліся не дакранацца да іх, а сама калядная пастаноўка адбывалася на двары, каб не заходзіць у хату.
Аднак нават пры такіх абмежаваннях людзі наспяваліся, насмяяліся і накалядавалі цэлы мех падарункаў!
Большасць удзельнікаў калядавала ўпершыню, але камандзе Казы так спадабалася дзея, што было пастаноўлена паўтарыць паход па іншай частцы гораду ў найбліжэйшую суботу.
Марыя Грыц, фота АК belsat.eu