Дырэктар магілёўскага каледжу лічыць, што ў празрыстых перагародках у прыбіральні няма нічога заганнага
Спайс, бойкі, незапланаваная цяжарнасць – гэта біч маладога пакалення. Хто можа зберагчы юную асобу ад памылкі, калі не дарослы, дасведчаны чалавек з вышэйшай педагагічнай адукацыяй? Менавіта такая выснова напрошваецца, калі паглядзець на фота напаўпразрыстых кабінак у прыбіральні Магілёўскага дзяржаўнага політэхнічнага каледжа, апублікаванае ў студэнцкім Telegram-канале «адлічана».
Па словах аўтара фотаздымкаў, педагогі маюць права «у любы час заходзіць і глядзець, што ты там робіш». Але апынулася, што нестандартная архітэктурная захада абумоўлена зусім не меркаваннямі бяспекі. Чым – адказаў дырэктар Магілёўскага дзяржаўнага політэхнічнага каледжа Сяргей Казлоў, каментуючы сітуацыю Onliner.
– Кабінкі выкананы ў непразрыстым шкле, праз якое нічога не праглядаецца і нічога не відаць.
– А якога колеру тое шкло?
– Гэта аргшкло, яно не мае колеру. Туалетныя кабінкі знаходзяцца ўнутры памяшкання, якое зачыняецца на ключ. Па нормах яны павінны падзяляцца не з пункта погляду прыватнасці, а з пункту погляду санітарных нормаў.
– Але людзям, якія стаяць каля рукамыйніка, амаль усё бачна.
– А што тут такога заганнага? Вось калі б праз шкло ўсё было бачна з калідора ці з акна – тады да нас былі б пытанні. А тут нічога не праглядаецца, туалет цалкам зачынены. Да таго ж у нас ёсць падзел на жаночыя і мужчынскія прыбіральні. Ёсць прыбіральні, дзе гэтых кабінак наагул няма. Там проста перагародкі і адкрытыя ўнітазы. Я неяк не задумваўся да вашага званка, што ў агульнай прыбіральні кожны выконвае нейкія канфідэнцыйныя дзеянні.
– Ну а чым наагул абумоўлена такое архітэктурнае рашэнне? Чаму вырашылі паставіць менавіта шкляныя перагародкі?
– А што трэба было паставіць? Душавая кабіна, якая прадаецца ва ўсіх крамах, таксама зроблена з празрыстага шкла, у ёй таксама ўсё праглядаецца. Стоячы побач з гэтай кабінай, мы сапраўды гэтак жа бачым постаць чалавека.
– Але яны ўсталёўваюцца ў кватэрах, дзе людзі прымаюць душ індывідуальна.
– Вучні каледжа таксама наведваюць туалет практычна ў індывідуальным парадку. Гэта не велізарны туалет на дзесяць унітазаў, там усталявана ўсяго два ўнітаза, і зачыняюцца не толькі кабінкі, але і вонкавая дзверы знутры. Вучні наведваюць прыбіральню паасобку і знаходзяцца за двума дзвярыма падчас яго наведвання. Гэта не нейкае асаблівае архітэктурнае рашэнне. У адпаведнасці з нормамі кабінкі павінны быць аддзеленыя перагародкамі. Якога колеру гэтыя перагародкі – нідзе ў СанПіН не прапісваецца. А пластыкавыя перагародкі не зусім адпавядаюць эксплуатацыйным характарыстыкам, таму што пластык хутка пашкоджваецца. Таму мы спынілі свой выбар на арганічным шкле.
СК, belsat.eu
