Другі выкладчык Беларускага дзяржаўнага медычнага ўніверсітэту звальняецца на знак салідарнасці з рэпрэсаванымі студэнтамі.
Алена Лагавая, асістэнтка кафедры эпідэміялогіі БДМУ распаўсюдзіла зварот, у якім патлумачыла, чаму сыходзіць з выкладчыцкай працы.
«Калі чацвёрты месяц праходзіць у рэпрэсіях і гвалце ў адносінах да людзей і, у тым ліку і да медыкаў, гэта выклікае толькі пачуццё бяссілля і бездапаможнасці», – так патлумачыла сваю пазіцыю Алена Лагавая, асістэнтка кафедры эпідэміялогіі.
У пачатку кастрычніка БДМУ пакінуў Арцём Зяцікаў, які 7 гадоў працаваў старшым выкладчыкам кафедры фармацэўтычнай хіміі медычнага ўніверсітэту. 6 кастрычніка ён напісаў заяву на звальненне.
Медычная супольнасць у Беларусі сутыкнулася з беспрэцэдэнтным ціскам. Студэнтаў дзясяткамі адлічваюць з медычных універсітэтаў, лекараў затрымліваюць на акцыях салідарнасці і адпраўляюць на содні.
АА belsat.eu