Тарыфы на прыбіранне падʼездаў для насельніцтва ва ўмовах распаўсюду кароанвірусу не павялічацца. ЖКГ мае сродкі на тое, каб штодня ладзіць дэзынфекцыю падʼездаў жыхароў сталіцы, піша «Минск-Новости».
У 2020 годзе тарыф на санітарнае ўтрыманне дапаможных памяшканняў жылога дома складае 82 капейкі на аднаго чалавека за месяц. Гэтыя грошы выдаткоўваюцца на штодзённае сухое прыбіранне першых паверхаў, вільготнае і сухое прыбіранне ўсіх паверхаў у месцах агульнага карыстання па адным разе ў месяц, а таксама дэзынсекцыі i дэратызацыю.
«Жыхарам не варта турбавацца з нагоды павышэння тарыфу. Выдаткі на дэзынфекцыю, у тым ліку на дадатковыя прыбіранні, паводле Менгарвыканкаму, пакрываюцца за кошт сродкаў, прадугледжаных у бюджэце сталіцы на фінансаванне выдаткаў, звязаных са стыхійнымі бедствамі, аварыямі, катастрофамі. Разам з тым працаўнікам па комплекснаму прыбіранню будуць налічаныя даплаты», – паведаміла намеснік генеральнага дырэктара па добраўпарадкаванні, санітарным утрыманні жыллёвага фонду і працы з насельніцтвам МГЖГ Анастасія Варабʼёва.
У сувязі з эпідэміялагічнай сітуацыяй штодня з пачатку красавіка ажыццяўляецца дэзынфекцыя ў падʼездах, чатыры разы на месяц ладзіцца вільготнае прыбіранне з выкарыстаннем дэзынфікуючых сродкаў.
СК belsat.eu