Дэлегацыя «Белнафтахіму» адправіцца ў Казахстан на перамовы аб пастаўках нафты

Дэлегацыя канцэрну «Белнафтахім» на наступным тыдні наведае Казахстан для правядзення прадметных перамоваў па пастаўках нафты, паведамілі «Tut.by» у прэс-службе ўрада.

Пра візіт прадстаўнікоў беларускага канцэрну ў Казахстан сёння ў Алматы дамовіліся прэм’ер-міністр Беларусі і Казахстана Сяргей Румас і Аскар Мамін у Алматы.

29 студзеня Аляксандр Лукашэнка ўпаўнаважыў урад на правядзенне перамоваў з Казахстанам аб гандлёва-эканамічнай супрацы ў межах паставак нафты і нафтапрадуктаў у Беларусь.

Візіт Сяргея Румаса ў Казахстан адбыўся ў межах Еўразійскага міжурадавага савету. З пачатку году Беларусь старшынюе ў органах Еўразійскага эканамічнага саюзу.

Беларусь абмяркоўвае пастаўкі нафты з Казахстанам ад летась. Менск цікавіць не толькі пастаўка нафты, але і пастаўка прадуктаў, магчымых для перапрацоўкі, – напрыклад, мазут.

Размовы вяліся пра набыццё ад 1 да 3,5 млн тон нафты і нафтапрадуктаў у год.

Калі цёмныя нафтапрадукты можна пастаўляць у Беларусь чыгункаю, то нафту больш выгадна транспартаваць праз трубу. 21 студзеня Аляксандр Лукашэнка заявіў, што Расея не дае згоды на пастаўкі нафты для Беларусі з Казахстана па нафтаправодзе «Дружба».

ДД belsat.eu

Глядзі таксама

Hавiны