Дата правядзення сумеснага пасяджэння беларуска-расейскай групы па паглыбленні інтэграцыі пакуль яшчэ не прызначана, паведаміў міністр эканомікі Беларусі Дзмітрый Круты.
«Пакуль расейскія калегі на сувязь з намі не выходзілі па выніках сустрэчы прэзідэнтаў. Я так разумею, яны, можа быць, фармуюць сваю пазіцыю. Пакуль мы чакаем ад іх прапаноў», – цытуе словы Дзмітрыя Крутога interfax.
Кіраўнік Мінэканомікі заўважыў, што пазіцыя Менску сфармавана ўжо даўно.
«Яе неаднаразова агучваў прэзідэнт», – дадаў ён.
Дзмітрый Круты ўзначальвае гэтую групу з беларускага боку.
СК, belsat.eu