Зміцер Дашкевіч – у ізалятары часовага ўтрымання. Пра гэта паведаміла ягоная жонка Наста Дашкевіч.
«Ён знайшоўся ў ІЧУ», – паведаміла Наста Дашкевіч.
Родныя і паплечнікі Дашкевіча лічаць, што яго будуць судзіць заўтра.
«Падазраем, што Змітра Дашкевіча павязуць у Цэнтральны суд», – паведаміў Павел Севярынец.
Змітра Дашкевіча схапілі адразу пасля выступу ў Кіеўскім скверы, дзе ў нядзелю праходзіў канцэрт з нагоды 101-й гадавіны заснавання БНР, – на вачах ягонай жонкі Насты Дашкевіч. Прычынаў затрымання Наста Дашкевіч не ведае, але ў размове з «Белсатам» яна заявіла, што, імаверна, уладам не спадабаўся ягоны выступ са сцэны.
Падчас прамовы Дашкевіч назваў міліцыянтаў «шуняўкамі», а Лукашэнку – «самазванцам».
Пасля затрымання актывіста ягоныя сябры і родныя не маглі знайсці яго нідзе цягам паўдня: у міліцыі казалі, што не ведаюць, дзе Дашкевіч.
ДД belsat.eu