Рух усіх расейскіх цягнікоў будзе пераведзены на новую чыгуначную лінію ў абыход Украіны Жураўкоў – Мілерава да канца года, заявіў міністр транспарту РФ Максім Сакалоў, перадае ТАСС.
«Да канца гэтага года гэты кірунак запрацуе ў поўным аб’ёме, і мы цалкам перавядзем рух цягнікоў, у адпаведнасці з нарматыўным графікам, гэта 62 пары пасажырскіх цягнікоў і 30 пар грузавых цягнікоў», – сказаў ён.
20 верасня расейская чыгунка (РЖД) паведаміла пра запуск рэгулярнага руху грузавых цягнікоў у рамках тэставай эксплуатацыі на лініі Жураўкоў – Мілерава ў Варонежскай і Растоўскай абласцях у абыход Украіны.
Тэставая эксплуатацыя была патрэбная, каб праверыць гатоўнасць чыгуначнай інфраструктуры, працу сістэм кіравання рухам, а таксама падрыхтаваць лакаматыўныя брыгады.
КА, belsat.eu
