Да блогера Ігара Лосіка, які зʼяўляецца адміністратарам тэлеграм-канал «Беларусь головного мозга», прыйшлі з вобшукам. Пасля ператрусу ён быў затрыманы.
Пра гэта паведаміў канал «Беларусь головного мозга».
«Да аднаго з нашых адміністратараў Ігара Лосіка прыйшлі з вобшукам. Мы можам часова замарозіць гэты канал. Будзем трымаць вас у курсе праз гэты, ці іншыя каналы», – паведамляецца ў ТГ-канале.
Паводле папярэдняй інфармацыі, да Лосіка прыйшлі 9 чалавек, паказалі ордар на ператрус.
Пасля ператрусу Ігар Лосік быў затрыманы. Ператрус праводзілі следчыя і міліцыянты ў цывільным.
У той момант ягоная жонка і дзіцё знаходзіліся ў пад’ездзе. У чым вінавацяць блогера – невядома. Аднак ордар можна значыць крымінальную справу.
У блогера канфіскавалі ноўтбук, кампʼютар, магчыма тэлефон. Ў канале «Беларусь головного мозга» напісалі, што затрыманне Лосіка было заранёў падрыхтаванай аперацыяй.
«Затрыманне Лосіка звязанае з выказваннямі Лукашэнкі пра Telegram. Дакладна, што гэтым зачыстка не скончыцца», – напісалі ў канале.
Зараз яго затрымалі на тэрмін да 3 дзён.
Тэлеграм-канал «Беларусь головного мозга» мае больш за 166 тысяч падпісчыкаў.
ІІ belsat.eu