У Беларусі ў нядзелю, 19 траўня, 13-ты раз з пачатку года вырастуць кошты на аўтамабільнае паліва. Пра гэта паведамілі ў канцэрне «Белнафтахім».
У канцэрне адзначылі, што станам на 17 траўня з пачатку кошт расейскай нафты для беларускіх нафтаперапрацоўчых заводаў вырас на 19,4 %, а раздробныя цэны на маторнае паліва – у сярэднім толькі на 7,8 %.
Таму, заявілі ў «Белнафтахіме», раздробныя кошты на аўтамабільнае паліва на АЗС Беларусі з 19 траўня павялічваюцца на 1 капейку.
Гэтак, 1 літр АІ-92-К5-Еўра будзе каштаваць 1 руб. 56 кап., АІ-95-К5-Еўра – 1 руб. 67 кап., АІ-98-К5-Еўра – 1 руб. 88 кап., дызельнага паліва – 1 руб. 67 кап.
МГ belsat.eu