Урад Чэхіі ўводзіць поўную забарону на ўезд замежнікаў, а таксама на выезд сваіх грамадзянаў з краіны. Пра гэта абвясціў міністр унутраных справаў Чэхіі Ян Гамачак, піша мясцовае выданне «Prague Morning».
«Апоўначы на панядзелак [16 сакавіка] мы забараняем усім замежнікам уязджаць у Чэшскую Рэспубліку і ў той жа час забараняем усім грамадзянам Чэхіі пакідаць чэшскую тэрыторыю», – паведаміў Гамачак.
Па стане на 13 сакавіка ў Чэхіі выявілі 117 выпадкаў інфікавання каронавірусам.
13 сакавіка суседняя з Чэхіяй Славакія праз каронавірус абмежавала ўезд на сваю тэрыторыю. Уезд дазволены толькі славакам і тым, хто мае від на жыхарства.
Hавiны
Надзвычайнае становішча ў Еўропе: закрываюць школы, ВНУ, кавярні і рэстарацыі
2020.03.13 08:35
ЮВ belsat.eu
