Аляксандр Вучыч у нядзелю 2 сакавіка перамог дзесяцёх канкурэнтаў і стаў прэзідэнтам Сербіі, паведамляе afp.com
Ен атрымаў 55% галасоў, нашмат больш за наступнага ў спісе Сашу Янковіча, які атрымаў 16%.
Аляксандра Вучыча, былога ультранацыяналіста, а цяпер правацэнтрыста, вінавацяць у залішняй аўтарытарнасці. Відавочна, гэтыя вінавачванні з боку слабой апазіцыі не паўплывалі на вынікі прэзідэнцкай кампаніі. У нядзелю, за некалькі гадзінаў да сваёй перамогі Вучыч назваў гэтыя напады «глупствам».
Аляксандр Вучыч зʼяўляецца прыхільнікам інтэграцыі Сербіі ў Еўразвяз, не пакідаючы без знакаў увагі Маскву. Дарэчы, ён падзякаваў Ангеле Меркель і Уладзіміру Пуціну за тое, што прынялі яго з візітам падчас выбарчай кампаніі.
