[vc_row][vc_column][vc_single_image image=”91031″ img_size=”large”][vc_column_text]У сярэдзіне 90-х Усевалад Янчэўскі перамог у конкурсе сачыненняў «За што я люблю Расею» і трапіў у праграму «Там-Там Новости».
Адзін з выпускаў дзіцячай праграмы быў прысвечаны тэме патрыятызму. У ім бралі ўдзел дзеці з розных рэгіёнаў Расеі, якія таленавіта растлумачылі сваю любоў да Расеі. Адным з удзельнікаў конкурсу быў Усевалад Янчэўскі. Хлопец (вельмі падобны на галоўнага ідэолага Беларусі) прадставіўся, як навучэнец Менскай гімназіі №1 (у афіцыйнай біяграфіі адсутнічае інфармацыя пра тое, дзе жыў Усевалад Вячаслававіч Янчэўскі ў школьныя гады). У эфіры праграмы малады чалавек выказаў меркаванне, што «Беларусія» і «Вялікаросія» (Расея) – адзіная дзяржава.
«Наша культура і ўсё, што звязана з духоўнасцю ды нашай традыцыяй трымаецца на агульнай тысячагадовай гісторыі. Па-першае, яна адзіная. А па-другое, праваслаўная. Праваслаўе – перадумова адзінства. Раздзяляць паняцці Беларусія і Расея, мне падаецца, што гэта няправільна. Я лічу, што ў нас ёсць тры ўсходнеславянскія дзяржавы. Расея гэта – Вялікаросія, Маларосія і Беларусія».
[/vc_column_text][vc_video link=”https://youtu.be/0Zb8qGrXjXU?t=1s”][vc_column_text]Усевалад Вячаслававіч Янчэўскі нарадзіўся ў адзін дзень з Леніным 22 красавіка 1976 г. у горадзе Барысаў. Ва ўзросце 18-ці гадоў стаў даверанай асобай Аляксандра Лукашэнкі. Прымаў актыўны ўдзел у першай выбарчай кампаніі кіраўніка Беларусі.
У 1998 скончыў юрыдычны факультэт БДУ. Быў першым сакратаром ЦК БПСМ (1997–2001 гг.). Пазней быў абраны дэпутатам у Палату прадстаўнікоў (2000–2004 гг.). У парламент Янчэўскі ішоў ад Слуцкай выбарчай акругі.
З 2005-га па сакавік 2008-га займаў пасаду галоўнага рэдактара часопісу «Планета».
Да прызначэння на пасаду начальніка галоўнага ідэалагічнага ўпраўлення быў начальнікам упраўлення па каардынацыі ідэалагічнай работы галоўнага ідэалагічнага ўпраўлення Адміністрацыі прэзідэнта Беларусі.
ЮВ, belsat.eu