Паводле Еўрапейскага бюро па барацьбе з махлярствам (OLAF), Вялікая Брытанія мае пагасіць недаплату, якая паўстала ў выніку нядобрасумленных аперацыяў з мытамі.
OLAF рэкамендуе Бруселю спагнаць € 2 млрд з брытанскага ўраду. Бюро па барацьбе з махлярствам мяркуе, што кітайскія тэкстыльныя тавары ды абутак імпартаваліся ў Еўразвяз па заніжаным сабекошце, піша dw.com.
У выніку агульная сума шкоды для еўрапейскага бюджэту ад недаплачаных мытаў склала € 1,99 млрд. Як сцвярджаюць у OLAF, Вялікая Брытанія да гэтага часу не спыніла падобную практыку.
Рашэнне аб фінансавых прэтэнзіях да Лондану будзе прымаць Еўракамісія. Прадстаўнік брытанскага ўраду паведаміў, што інфармацыя OLAF «правяраецца».