Беларусь будзе патрабаваць кампенсацыі наўпроставых і ўскосных стратаў ад няякаснай нафты з Расеі. Пра гэта паведаміў 17 траўня намеснік прэм’ер-міністра Беларусі Ігар Ляшэнка, перадае БелТА.
Віцэ-прэм’ер паведаміў, што адносна наўпроставых выдаткаў – выхаду з ладу абсталявання – расейскі бок паабяцаў пакрыць прадстаўленыя Менскам дакументаваныя выдаткі. Напрыклад, толькі кошт сапсаванага нафтай абсталявання на Мазырскім НПЗ складае каля $ 30 млн.
«Але хімічны працэс хлору, які патрапіў, такі, што станчэнне трубаў, якое ўжо адбылося, і пашкоджанне каталізатараў яшчэ будуць выплываць», – растлумачыў намеснік старшыні ўраду.
Паводле яго, больш поўная інфармацыя з’явіцца падчас рамонту НПЗ, які мяркуецца да жніўня.
А вось пытанні недаатрыманай выручкі ад транзіту і ўласнага экспарту яшчэ будуць абмяркоўвацца. Расейскі віцэ-прэмʼер Дзмітрый Козак даручыў стварыць рабочую групу, каб падлічыць страты, паведаміў Ігар Ляшэнка.
МГ belsat.eu
