БПЦ адкрыла ў Маскве курсы беларускай мовы


Храм вялікапакутніцы Ірыны ў Маскве. Фота: храм-ирины.рф

У Маскве пры праваслаўным храме вялікапакутніцы Ірыны, у якім месціцца прадстаўніцтва Беларускага Экзархату РПЦ, будуць вывучаць беларускую мову.

Наведваць заняткі могуць дарослыя і дзеці ад 14 гадоў, паведамляе Church.by.

Ці ёсць у Беларускай праваслаўнай царкве хоць нешта беларускае?

Праграма заняткаў уключае агульныя звесткі пра Беларусь, знаёмства з алфавітам, фанетыкай і граматыкай беларускай мовы, мовазнаўчы аналіз Бібліі, азнаямленне з беларускай літаратурай.

Заняткі будуць праходзіць штонядзелю з 12.30 да 14.30. Выкладаць будзе выпускнік Свята-Ціханаўскага гуманітарнага ўніверсітэту Алег Жданаў.

Мітрапаліт Павел так і не пачаў вывучаць беларускую мову

Царква знаходзіцца каля станцыі метро «Баўманская» на вуліцы Фрыдрыха Энгельска, 38.

МГ belsat.eu

Глядзі таксама
Каментары