Больш за два дзясяткі чалавек судзяць сёння за акцыі пратэсту супраць інтэграцыі з Расеяй

У Менску і рэгіёнаў сёння зноў масава судзяць удзельнікай акцыяў у абарону незалежнасці Беларусі. Напярэдадні, 9 студзеня, агульная сума прысуджаных штрафаў перавысіла $ 15 тысяч, паведамляе spring96.org.

У судзе Першамайскага раёну намесніка старшыні КХП-БНФ Юрася Беленькага і лідара руху «За свабоду» Юрася Губарэвіча аштрафавалі на 30 базавых велічынь (810 рублёў) кожнага. Столькі ж далі актывістам Галіне Лагацкай і Андрэю Рогаву. Ніну Багінскую пакаралі штрафам у 50 базавых велічынь (1350 рублёў). Справу журналісткі Дзіяны Серадзюк адправілі на дапрацоўку.

BY_Help распачынае збор сродкаў на аплату штрафаў за акцыі супраць інтэграцыі

У судзе Партызанскага раёну намесніка старшыні Партыі БНФ Ігара Лялькова аштрафавалі на 810 рублёў, актывістку Ганну Шапуцька на 540 рублёў, Святлану Каваленка – на 1350 рублёў.

У судзе Ленінскага раёну актывіста «Моладзевага блоку» Данілу Лаўрэцкага аштрафавалі на 810 рублёў.

https://www.facebook.com/belarusLI/posts/1003003800084989?__xts__[0]=68.ARD1OHiJ3S3sMpfug3fRurQFTj-1ucPsWIVREuaIrcO6CnOWE-Csnl0UM_w5R578-EG1cKUXOgbEFILfM9Zc868c4U-erA5-9HdV2RoWj7yuuCV0Vh84zzSSZHPeGUmvYj29VZw_ZVRYdVTSY53X4p56EsNQWbsU9xEa05eT725JKAxpCWzg_Zo52ay5oTXuznRo43AfgEBYYRCNr2cp6FqDff8WQNZNeNS3v0AAxtgHfKPjZ5Z0yuPNqNiv8M7uNcphYPn2xgaavKlK_BYmW02WQP6I09HVh7XLHpuMTzaLIpCwAsEb0UUVGcr-uAQRka3DXPqxvucYymnYkyuLWuZ82A&__tn__=-R

Агулам сёння адбудзецца больш за два дзясяткі адміністратыўных працэсаў.

Нагадаем, 7, 8, 20, 21 і 29 снежня ў Менску праходзілі акцыі супраць інтэграцыі з Расеяй. Акцыі адбываліся мірна і без затрыманняў, аднак пасля іх удзельнікаў пачалі масава прыцягваць да адміністратыўнай адказнасці. Сустаршыню БХД Паўла Севярынца, які ініцыяваў акцыі абарону незалежнасці, а таксама шэраг актывістаў затрымалі і пакаралі адміністратыўным арыштам. Дзясяткі чалавек былі аштрафаваныя.

Блогер Шэры Кот застаўся ў ІЧУ – яго пакаралі новым арыштам

ІІ belsat.eu

Падпісвайся на telegram Белсату

Hавiны