Больш за 11,6 тысяч жыхароў Гомельшчыны летась атрымалі дапамогу ад Чырвонага Крыжа
Дапамога Гомельскай абласной і раённых арганізацыяў Беларускага таварыства Чырвонага Крыжа ў 2018 годзе атрымалі больш за 11.600 жыхароў рэгіёну. Пра гэта БелТА паведаміла старшыня абласной арганізацыі Ала Смаляк.
Сярод асноўных катэгорыяў, якім аказана дапамога БТЧК, – малазабяспечаныя, шматдзетныя сем’і, адзінокія, састарэлыя людзі, інваліды, асобы без пэўнага месца жыхарства ды інш. Амаль 2,9 тыс. жыхароў рэгіёну атрымалі рознапланавую дапамогу, у тым ліку гуманітарную. Старшыня абласной арганізацыі нагадала, што ў Гомельскай вобласці БТЧК усталяваныя 22 кантэйнера для збору чыстай адзення і абутку, падзяліцца якімі могуць усе неабыякавыя людзі. У межах гэтага праекту неабходнае адзенне атрымалі звыш 8,7 тыс. чалавек.
На Гомельшчыне працуюць 13 медычных сясцёр міласэрнасці і 9 малодшых сясцёр міласэрнасці Чырвонага Крыжа. Летась яны абслугоўвалі на доме амаль 120 падапечных – адзінокіх людзей, якія па тых ці іншых прычынах страцілі здольнасць да самаабслугоўвання. Пашырыў свае межы і праект «Няня Чырвонага Крыжа». Цяпер пяць сясцёр міласэрнасці даглядаюць за дзецьмі-сіротамі ў Гомлі, Мазыры, Рэчыцы, Жлобіне.
Яшчэ адзін напрамак дзейнасці БТЧК – падтрымка людзей, якія прыехалі ў Беларусь. Так, дапамога ў выглядзе ваўчараў на адзенне і прадукты атрымалі ў 2018 годзе 584 перасяленца з Украіны. Яшчэ 84 украінскіх сямʼі атрымалі фінансавыя сродкі для адкрыцця новага малога бізнесу або пашырэнне ўжо існуючага.
