Аршанскі актывіст «Еўрапейскай Беларусі», блогер Дзмітрый Казлоў (больш вядомы як Шэры Кот) не выйшаў з ізалятару часовага ўтрымання пасля адбыцця 15 содняў арышту. Пра гэта паведамляе «Віцебская Вясна».
Дзмітрый Казлоў быў затрыманы 26 снежня і пакараны 15 соднямі арышту за ўдзел у акцыях у абарону незалежнасці Беларусі. Тэрмін арышту сканчаўся 9 студзеня. Паплечнікі актывіста чакалі яго каля аршанскіх ІЧУ і РАУС, але на свабоду ён так і не выйшаў.
Где блогер "Серый кот"?Милиция скрывает местоположение Дмитрия Козлова, который сегодня должен выйти на…
Opublikowany przez Еўрапейская Беларусь Czwartek, 9 stycznia 2020
Толькі позна ўвечары адзін з працаўнікоў аршанскага ІЧУ паведаміў актывістам, што ў Казлова маецца яшчэ адна пастанова аб арышце. За што канкрэтна яго пакаралі арыштам і колькі содняў далі – пакуль невядома.
7,8, 20,21 і 29 снежня ў Менску праходзілі акцыі супраць інтэграцыі з Расеяй. Акцыі адбываліся мірна і без затрыманняў, аднак пасля іх удзельнікаў пачалі масава прыцягваць да адміністратыўнай адказнасці. Сустаршыню БХД Паўла Севярынца, які ініцыяваў акцыі абарону незалежнасці, а таксама шэраг актывістаў затрымалі і пакаралі адміністратыўным арыштам. Дзясяткі чалавек былі аштрафаваныя.
ІІ belsat.eu
