Безбілетнікі ўваходзяць праз пярэднія дзверы. Новыя правілы карыстання грамадскім транспартам уступілі ў дзеянне


З 12 кастрычніка ўступіла ў дзеянне новая рэдакцыя Правіл аўтамабільных перавозак пасажыраў.

Згодна з новымі правіламі пасажыр без білета павінен заходзіць праз пярэднія дзверы. Адказнасці за гэта няма, але калі безбілетнік у час пік увайшоў у транспарт праз заднія дзверы, то кантралёр можа яго аштрафаваць.

«Аргументы, што пасажы не паспеў набыць білет, не будуць прымацца ў якасці апраўдання», – распавёў TUT.BY кіраўнік упраўлення аўтамабільнага і гарадскога пасажырскага транспарту Мінтрансу Сяргей Дубіна.

Таксама цяпер у пасажыраў з’явіўся абавязак пры ўваходзе ў транспарт прыкладаць да валідатара электронны білет.

Цяпер у Менску кантралёры будуць лавіць безбілетнікаў ад 5-й раніцы

Акрамя таго пасажырам дазволілі правозіць у грамадскім транспарце вуды, садовы інвентар, музычныя інструменты ў футарале, інвалідныя крэслы ды мыліцы.

Са згоды перавозчыка можна будзе перавозіць ровар. Праўда, пакуль у Беларусі абсталяванага для правозу ровараў транспарту няма.

ЮВ, belsat.eu

Глядзі таксама
Каментары