Берасцейскія ўлады не дазволілі актывістам беларускай партыі левых «Справядлівы свет» правесці пікеты супраць пагаршэння ўзроўню жыцця.
Як паведаміла belapan.by старшыня мясцовай партыйнай ячэйкі Людміла Дзенісенка, 29 красавіка ў цэнтры гораду павінны былі адбыцца два пікеты. Гэтымі акцыямі партыйцы хацелі звярнуць увагу на рост коштаў, паслугаў і хацелі заклікаць уладу да штомесячнай індэксацыі заробкаў ды пенсіяў адпаведна з узроўнем інфляцыі, а таксама выказаць пратэст супраць павышэння ўзросту выхаду на пенсію. «Я лічу, улады проста баяцца пратэстных акцыяў і таму забараняюць іх», – заявіла берасцейская актывістка.
Паводле яе, каля 200 жыхароў Берасця падпісалі зварот да кіраўніка ўраду. Тыя хто падпісаўся пад зваротам не пагаджаюцца на павышэнне коштаў на паслугі ЖКГ.
