Нацыянальнае статыстычнае агенцтва паведаміла, наколькі падаражэлі спажывецкія цэны і паслугі.
У студзені індэкс спажывецкіх цэнаў у параўнанні са снежаньскім вырас на 1,9 %. У той час як паслугі падаражэлі на 4 %.
У сярэдзіне студзеня міністр эканомікі Уладзімір Зіноўскі ў эфіры тэлеканалу «Беларусь 1» заявіў, што сёлета інфляцыя будзе двухзначнай, але «не большай за 17-18 %».
Раней паведамлялася, што ў студзені Беларусь заняла другое месца сярод краінаў былога СССР па росце курсу долара (горш было толькі ў Таджыкістане).
Ці спрыяе такая эканамічная сітуацыя пратэставым настроям беларусаў? Даведацца можна з адной з апошніх відэаапытанак «Белсату».
НМ, belsat.eu
