Каб глядзець «Белсат» было яшчэ зручней, мы стварылі ды запусцілі нашае новае прыкладанне BelsatSmart.
Прыкладанне ўжо даступнае
Калі ў вас няма спадарожнікавай антэны, вы можаце карыстацца нашым новым прыкладаннем BelsatSmart.
Дзякуючы гэтаму прыкладанню «Белсат» можна глядзець на падлучаных да інтэрнэту вялікіх экранах тэлевізараў, якія працуюць на аператыўнай сістэме Android, а ў хуткім часе – і на тэлевізарах Samsung i LG.
Прыкладанне таксама даступнае на ўсіх мабільных прыладах з аператыўнымі сістэмамі Android ці IOS.
Чаму менавіта цяпер
«Беларусы цікавяцца новымі тэхналогіямі. У нас вельмі распаўсюджаны шырокапалосны інтэрнэт, хутка расце IPTV, і шмат у каго ўдома ёсць вялікі плазмавы тэлевізар», – тлумачыць Вольга Швед, упаўнаважаная «Белсату» ў справе развіцця інтэрактыўных медыяў.
Гэта пацвярджае і статыстыка Белстату, паводле якой цягам апошніх гадоў рынак тэлевізараў у Беларусі імкліва расце. Тэлевізары ды прыстаўкі з тэхналогіяй Smart робяцца ўсё больш даступныя. Некалькі гадоў таму функцыі інтэрнэт-сэрвісаў былі толькі ў дарагіх мадэляў вядомых марак, а сёння Smart-функцыянал можна знайсці ў самых даступных па цэнах мадэлях, а таксама ў айчынных вытворцаў.
Плюсы SMART TV
«Улады перашкаджаюць усталёўваць спадарожнікавыя антэны. У тэлефонах людзі хутка чытаюць навіны, але пасля працы ніхто не хоча сядзець за камп’ютарам, а проста зручна ўладкоўваецца перад тэлевізарам. І цяпер мы даем такую магчымасць!» – кажа Вольга Швед.
Каб не прапусціць вашай улюбёнай праграмы або цікавага фільму, вы можаце паставіць сабе нагадванне: за 5 хвілінаў да пачатку трансляцыі вам прыйдзе паведамленне. Але калі вам не падыходзіць час эфіру, не хвалюйцеся, вы можаце паглядзець абраную праграму пазней, у зручны час. Яна будзе даступная ў меню старонкі.
«Карыстальнік па-рознаму ўспрымае інфармацыю, у залежнасці ад тыпу прыёмніка і пары дня. Калі вы можаце зручна сядзець на канапе з пультам у руцэ, вы, хутчэй за ўсё, паглядзіце больш працяглыя праграмы, якіх на «Белсаце» хапае», – разважае Вольга.
Што глядзець
- Наш жывы эфір, у якім штодзённыя навіны Беларусі ды нашых суседзяў: «Аб’ектыў» і «Вот так».
- Найлепшую публіцыстыку «Белсату»: праграма «ПраСвет» распавядае пра падзеі вакол Беларусі, а каманда «Давайце разбірацца» выкрывае карупцыю ў высокіх эшалонах улады. «Асабісты капітал» падказвае, як ашчадзіць сямейны бюджэт, а з праграмы «Маю права» вы даведаецеся, як дабіцца справядлівасці.
- Гістарычныя праграмы – важная частка нашага рэпертуару. «Загадкі беларускай гісторыі» забяруць вас у падарожжа ў прасторы і часе, а ў ток-шоу Intermarium выбітныя гісторыкі абмяркуюць самыя вострыя для нашага рэгіёну тэмы.
- Нашыя сатырычныя шоу «Суб’ектыў», «Эксперт. Міністэрства праўды», «Вечаровы шпіль» ды «Хай так».
- Першае ў свеце кулінарна-тэрапеўтычнае шоу «Я не буду гэтага есці!» – для аматараў гатавання.
- Канцэрты добрай жывой музыкі – у Belsat Music Live.
- Дакументальныя фільмы беларускіх майстроў, узнагароджаных на самых прэстыжных кінафестывалях свету, рэпартажы ды шмат чаго іншага.
Усе нашыя праграмы і фільмы выходзяць у HD, а некаторыя маштабныя праекты, напрыклад, навагодні канцэрт, – у якасці 4K.
Дзе знайсці прыкладанне
BelsatSmart шукайце ў крамах прыкладанняў (Google Play) i IOS (Appstore) на тэлевізарах з сістэмаю Android, а пазней Samsung і LG, а таксама на тэлефонах з Android i IOS.
BelsatSmart: глядзі сваё!
