17 чэрвеня Belsat.eu паведаміў, што ў цэнтры Берасця зʼявіўся чарговы сацыяльны прынт.
На публікацыю імгненна адрэагавалі мясцовыя міліцыянты, апублікаваўшы ў сваім афіцыйным «Тўітэры» фотаздымкі сцяны дому па вуліцы Карбышава.
Пасля гэтага з рэдакцыяй звязаўся чалавек, які ўзяў адказнасць за акцыю.
«Яны б хоць абадралі да канца, каб кавалкаў паперы не заставалася», – сказаў аўтар прынту.
Увесну «Белсат» пісаў пра берасцейскага Бэнксі, які змагаецца з акумулятарным заводам пры дапамозе мастацтва. Ягоныя прынты старанна замазвалі фарбаю.