Цяпер тэлеканал «Белсат» рэпрэзентаваны на «YouTube» у двух варыянтах: першы – гэта галоўны канал, які мае навінавы кантэнт, другі – забаўляльны канал з матэрыяламі непалітычнага зместу.
«Аналізуючы паводзіны гледачоў і фокус групы мы пабачылі, што глядач Белсату выразна падзяляецца на тых, хто адсочвае навіны і больш яго нічога не цікавіць. І тых, хто стаміўся ад навінаў і больш цікавіцца гісторыяй, размовамі на жыццёвыя тэмы, падарожжамі», – кажа кіраўніца рэдакцыі інтэрактыўных медыяў Вольга Швед.