Канцэрн «Белнафтахім» працягне палітыку стрыманай змены коштаў на нафтапрадукты на ўнутраным рынку, паведаміў намеснік старшыні канцэрна Уладзімір Сізоў.
«Канцэрн працягвае палітыку па змене коштаў, якая была раней пазначаная, – стратэгія стрыманай змены коштаў», – цытуе словы Уладзіміра Сізова interfax.by.
Намеснік кіраўніка прадпрыемства падкрэсліў, што канцэрн не мае намеру рабіць рэзкіх рухаў у пытанні змянення коштаў на аўтапаліва, нягледзячы на тое, што кошт сыравіны з пачатку года вырасла практычна на 18 %, а змяненне коштаў для спажыўцоў склала каля 4 %.
«Мы эвалюцыйна спрабуем падцягваць кошты, не дапускаем рэзкіх удараў па спажыўцах», – адзначыў намеснік старшыні.
Пры гэтым, паводле яго словаў, кошты могуць мяняцца ў абодва бакі, але «на сёння мы значна адстаём ад тых тэмпаў, якімі павышаюцца кошты на сыравіну».
Летась «Белнафтахім» 27 разоў падвышаў кошты на аўтапаліва, за год яны выраслі амаль на 19 % пры росце кошту імпарту нафты ў эквіваленце беларускага рубля на 37 %.
Сёлета паліва даражэла ўжо 7 разоў.
СК belsat.eu
