Дзяржаўны канцэрн «Белнафтахім» заяўляе аб рэзкім пагаршэнні якасці нафты, што паступае па нафтаправодзе з Расеі. Беларускі бок сцвярджае, што гэта можа прывесці да парушэння тэхналагічных рэжымаў працы НПЗ.
Прэс-сакратарка канцэрна Марына Касцючэнка адзначае:
«На працягу апошніх некалькіх дзён адбылося рэзкае пагаршэнне якасці расейскай экспартнай сумесі Urals, якая паступае транзітам на ўчастак магістральнага нафтаправода ААТ «Гомельтранснафта Дружба». Па нафтаправодзе з Расейскай Федэрацыі паступае нафту з утрыманнем хлорарганічных злучэнняў, якія перавышаюць у дзясяткі разоў гранічныя значэнні па стандарту».
Экспертыза адбывалася ў прысутнасці прадстаўніка «Транснафты» ў Беларусі.
«Перапрацоўка нафты такой якасці можа прывесці да парушэння тэхналагічных рэжымаў працы НПЗ. У цяперашні час прымаюцца аператыўныя меры па мінімізацыі наступстваў перапрацоўкі нафты, якая не адпавядае стандарту, і забеспячэнню ўнутранага рынку нафтапрадуктамі. Спецыялістамі канцэрна ацэньваецца ўзровень стратаў ад пагаршэння якасці нафты», – сказала прэс-сакратар «Белнафтахіма».
ААТ «Гомельтранснафта Дружба» паведаміла пра пагаршэнне якасці нафты аператарам магістральнага нафтаправода «Дружба» з іншых краінаў. Беларускі бок запрасіла афіцыйную сустрэчу з прадстаўнікамі расейскай «Транснафты» для ўрэгулявання сітуацыі.
