«БелДжы» пакуль не гатовы выпускаць электрамабілі

Электракар Geely Geometry A. Фота: БелТА

СЗАТ «БелДжы» назвала ўмову, пры якой яно гатовае разглядаць выраб электрамабіляў у Беларусі. Пра гэта паведамляе БелТА.

Як адзначыў на прэс-канферэнцыі 10 сакавіка дырэктар прадпрыемства Генадзь Свідзерскі, мэтазгодна весці падрыхтоўку вытворчасці толькі тады, калі масавы попыт на электрамабілі будзе не менш за 5-10 тыс. аўтамабіляў на год.

«Калі б убачылі рынак 5-10 тыс. электрамабіляў, дык пайшлі б на засваенне», – заявіў Свідзерскі.

На фоне падзення коштаў на нафту Лукашэнка лабіруе электратранспарт

Паводле яго, на завод паступілі чатыры электрамабіля мадэлі Geely Geometry A. Але гэта цалкам кітайскія машыны, «БелДжы» да іх вытворчасці не мае дачынення. Адзін з электрамабіляў будуць тэставаць на заводзе, яшчэ тры неўзабаве паступяць у дылерскія цэнтры. Праўда, не для продажу, а для тэставання і вывучэння попыту.

Генадзь Свідзерскі таксама паведаміў, што для масавага выкарыстання электрамабіляў трэба ствараць больш камфортныя ўмовы. Адпаведныя праекты дакументаў у Беларусі рыхтуюцца, дадаў ён.

Беларусам хочуць дазволіць бязмытны ўвоз электрамабіляў

МГ belsat.eu

Падпісвайся на telegram Белсату

Hавiны