Авіякампанія ўводзіць эксперыментальныя тарыфы для большасці кірункаў напярэдадні святкавання 85-годдзя цывільнай авіяцыі ў Беларусі.
Робяць гэта для паляпшэння даступнасці авіяперавозак для беларусаў, а таксама для павелічэння колькасці турыстаў, якія могуць скарыстацца бязвізавым рэжымам.
Тарыфы будуць дзеяць да канца зімовага раскладу (31 сакавіка 2019 года).
Квіткі можна будзе набыць толькі праз старонку www.belavia.by з 2 лістапада і не менш, чым за 45 дзён да вылету. Максімальны тэрмін знаходжання ў пункце прызначэння паводле тарыфу – 1 месяц.
Больш падрабязна пра кірункі і кошты глядзіце тут.
Днямі аб працы ў зніжэнні коштаў на квіткі «Белавія» заявіў генеральны дырэктар кампаніі Анатоль Гусараў. Разам з тым ён адзначыў, што «Белавія» ніколі не здолее выйсці на ўзровень лоўкостаў.
З лоўкостамі «Ryanair» і «Wizzair» ужо перамаўляліся, але, паводле намесніка міністра транспарту Аляксея Ляхновіча, яны не прыходзяць на беларускі рынак праз адсутнасць пасажырапатоку і датацыяў з боку дзяржавы.
ДР belsat.eu
