Беларускі фонд культурнай салідарнасці запусціў кампанію, скіраваную на выключэнне «Белтэлерадыёкампаніі» з Еўрапейскага вяшчальнага звязу (EBU).
Ліст з прапановаю выключыць «Белтэлерадыёкампанію» з Еўрапейскага вяшчальнага звязу і пазбавіць дзяржаўны тэлеканал права трансляваць і браць удзел у трансляцыі «Еўрабачання», скіравалі ў офіс арганізацыі ў Жэневе.
Беларускі фонд культурнай салідарнасці лічыць, што БТ не мае права браць удзел у музычным конкурсе. Летась на нацыянальным адборачным туры перамог гурт «Val». Але пасля выбараў музыкі раскрытыкавалі дзяржаўную палітыку ў галіне культуры ды прымусы выступаць на канцэртах, за што БТ абвінаваціла музыкаў у «адсутнасці сумлення».
Гурт «Val» узяў удзел у праекце «Белсату» – «ЧынЧыны ў краіне цудаў».
СК, belsat.eu