Беларусы абураюцца новымі правіламі працы міжгародніх маршрутак


Ад сёння прыватныя перавозчыкі працуюць паводле новых правілаў.

Згодна з новаўвядзеннямі у закон «Аб аўтамабільным транспарце і аўтамабільных перавозках» кіроўцы мусяць заключаць дамовы з дзяржаўным аператарам і з вакзаламі. Гэта нясе нязручнасці і дадатковыя выдаткі для пасажыраў і бізнесоўцаў, бо трэба будзе плаціць за паслугі аператару аўтамабільных перавозак і аўтавакзалу.

Калі раней маршрутка магла збіраць і развозіць людзей паводле асабістых узгадненняў, цяпер перавозчык мусіць адпраўляцца з аўтавакзалу, мець прыпынкі ў вызначаных месцах, а таксама мець зацверджаны графік і маршрут.

Праз новыя правілы ад панядзелка некаторыя фірмы прыпынілі працу.

Колькасць негатыўнай рэакцый імкліва расце. Людзі аказаліся ў транспартнай пастцы. Некаторыя таксоўшчыкі на свой страх і рызыку працягваюць перавозкі.

У інтэрнэце пачаўся збор подпісаў пад петыцыяй падтрымаць маршрутнае таксі і захаваць ранейшы парадак перавозак. Яшчэ адну петыцыю можна падпісаць тут. Іх перакажуць у Міністэрства транспарту і камунікацый. Чакаецца, што сёння чыноўнікі дадуць афіцыйны каментар.

Маршрутнае таксі ў Беларусі шмат для каго – адзіны спосаб перасоўвання, якім хутка і нядорага можна дабрацца практычна паўсюль.

ДР belsat.eu

Глядзі таксама
Каментары