У Горадні плануецца стварыць бюджэтную авіякампанію, паведаміў у эфіры тэлеканалу СТВ міністр транспарту і камунікацыяў Аляксей Аўраменка.
Кіраўнік Мінтрансу адзначыў, што Беларусь падпісала раней пагадненне з вугорскай бюджэтнай авіякампаніі «Wizz Air» пра бюджэтныя рэйсы з аэрапорту ў Горадні, але ў перамовы ўмяшалася пандэмія каронавіруса.
«Я спадзяюся, мы перамовы адновім. І, вядома, актыўна запрашаем лоукост-кампаніі ў частцы загрузкі нашых абласных аэрапортаў», – сказаў Аляксей Аўраменка.
Таксама ў ведамстве думаюць аб стварэнні другой беларускай кампаніі, больш бюджэтнай, для развіцця канкурэнцыі і перавозак пасажыраў. Перадусім разглядаецца «Авіякампанія Горадня». Рашэнне адносна яе плануецца прымаць у бліжэйшы час.
Забяспечыць загрузку авіякампаніі прапануецца за кошт гарадзенскага бязвізу. У якасці напрамкаў рэйсаў разглядаецца, напрыклад, Ізраіль.
МГ belsat.eu