29 лістапада натарыусы Беларусі будуць кансультаваць грамадзянаў бясплатна. Гэтая рэспубліканская дабрачынная акцыя прымеркаваная да святкавання Дня юрыста, паведамляе сайт Беларускай натарыяльнай палаты.
У пятніцу можна будзе атрымаць кансультацыю адносна пытанняў афармлення спадчынных правоў, складання завяшчанняў, шлюбных дамоваў, адчужэння нерухомасці, здзяйснення выканаўчых надпісаў і іншых.
Бясплатна пракансультавацца можна будзе ва ўсіх натарыяльных канторах і натарыяльных бюро краіны.
Адрасы, кантактныя звесткі і час працы натарыяльных кантор і натарыяльных бюро можна ўдакладніць па спасылцы.
МГ belsat.eu