Беларускія баскетбалісты перамаглі чэмпіёнаў Еўропы

ВІДЭА

Нашая краіна захоўвае шанцы паехаць налета на чэмпіянат свету па баскетболе. Каманду Аляксандра Круцікава чакаюць яшчэ дзве гульні на выездзе.

Мужчынская зборная па баскетболе перамагла ў хатнім матчы ў межах кваліфікацыі на чэмпіянат свету дзейных еўрапейскіх чэмпіёнаў, каманду Славеніі, з лікам 93: 92.

Найбольш выніковымі гульцамі беларускай зборнай былі Дэвон Садлер (25 балаў, 5 падбораў і 8 дзейсных перадач) і Максім Салаш (20 балаў і 10 падбораў).

Па выніках чатырох гульняў у беларускай каманды пяць балаў.

Група А:

Іспанія – 8 (4)

Славенія – 6 (4)

Чарнагорыя – 5 (4)

Беларусь – 5 (4).

Каб прабіцца ў другі раўнд кваліфікацыі на ЧС-2019, па выніках групавога турніру неабходна заняць месца не ніжэй за трэцяе ў гэтым квартэце.

Наступная гульня – з Чарнагорыяй – адбудзецца 28 чэрвеня.

ДД

Глядзі таксама
Каментары