У Першым чытанні дэпутаты Палаты прадстаўнікоў прынялі закон «Аб персанальных звестках». У другім чытанні прыняты законапраект па пытанні ўзмацнення барацьбы з прапагандай нацызму і экстрэмізму. Акрамя таго ўнесеныя змены і ў «наркатычнае заканадаўства».
Закон пра персанальныя звесткі з’яўляецца для нашай краіны зусім новым. Дакумент падрыхтаваны ў адпаведнасці з заканадаўствам Еўразвязу. Упершыню ў краіне ўводзіцца само паняцце персанальных звестак, а таксама замацоўваюцца прынцыпы і ўмовы працы з імі.
Як растлумачыў дырэктар Нацыянальнага цэнтру заканадаўства і прававых даследаванняў Вадзім Іпатаў, у асобных выпадках закон можа закрануць нават і СМІ. Напрыклад, ён пацвердзіў, што публікацыя фота катэджа кіраўніцы ЦВК Лідзіі Ярмошынай з указаннем, што гэта яе нерухомасць, будзе немагчымая без згоды Лідзіі Міхайлаўны, піша officelife.media.
Закон уступіць у сілу праз год пасля публікацыі.
Законапраект па пытанні ўзмацнення барацьбы з прапагандай нацызму і экстрэмізму прадугледжвае крымінальную адказнасць за рэабілітацыю нацызму, а таксама адміністрацыйную – за захоўванне або набыццё ў мэтах распаўсюду нацысцкай, экстрэмісцкай і тэрарыстычнай сімволікі і атрыбутыкі.
СК belsat.eu