Беларускай мове дазволілі вярнуцца ў аршанскія аўтобусы


У грамадскім транспарце Воршы можа зноў з’явіцца беларуская мова. Пра гэта паведаміў у адказ на зварот грамадскага актывіста Ігара Случака намеснік старшыні Аршанскага райвыканкаму Сяргей Пац. Тэкст адказу актывіст выклаў у «Facebook’у».

🅱️ Беларуская мова з’явіцца ў гарадскім транспарце Оршы!😾 Але і руская мова таксама застанецца. Бо хоць 73% апытаных…

Opublikowany przez Ihar Sluchak Środa, 16 października 2019

Чыноўнік прызнаў, што большасць апытаных на сайце райвыканкаму выказалася за беларускую мову ў транспарце. Але, заявіў ён, «па выніках апытання ў працоўных калектывах Аршанскага раёну грамадзяне аддаюць перавагу расейскай мове».

Таму аўтобуснаму парку Воршы «рэкамендавана з улікам тэхнічных магчымасцяў прапрацаваць пытанне» агучвання прыпынкаў у аршанскіх аўтобусах па-беларуску і па-расейску.

Улады Воршы не пускаюць беларускую мову ў грамадскі транспарт

«Мы прыкладзем намаганні, каб вывесці на чыстую ваду тых, хто прыдумаў гэтую хлусню наконт працоўных калектываў. Рыхтуюцца адпаведныя звароты ў выканкам і пракуратуру», – пракаментаваў адказ чыноўніка Ігар Случак.

Улады Воршы прыбралі беларускую мову з грамадскага транспарту нібыта на просьбы жыхароў. Актывісты прапаноўвалі вярнуць беларускамоўнае агучванне прыпынкаў у аўтобусы, але супраць гэтага выступілі мясцовыя чыноўнікі. У выніку на сайце райвыканкаму было арганізаванае апытанне, падчас якога 73 % рэспандэнтаў выказаліся за беларускую мову ў транспарце ў якасці адзінай.

МГ belsat.eu

Глядзі таксама
Каментары