У Кіеве завяршыўся міжнародны конкурс прыгажосці «Міс Свету Plus Size». Першае месца падзялілі Бразілія і Сурынам, а карону віцэ-міс заваявала прадстаўніца Беларусі, піша TUT.by.
Агулам Беларусь прадстаўлялі тры ўдзельніцы – Вікторыя Клявец, Інга Буліцкая і Наталля Калеснікава, якая і атрымала тытул віцэ-міс.
Пры гэтым у «Top Five» увайшла яшчэ адна беларуска – Кацярына Лаздоўская, якая прадстаўляла Латвію. Яна нарадзілася ў Беларусі, але з’ехала з краіны ў дзяцінстве. У Глыбокім у яе ёсць сетка салонаў прыгажосці.
У конкурсе таксама спаборнічалі прадстаўніцы Украіны, Расеі, Латвіі, Індыі, Нідэрландаў, Бельгіі і Сінгапуру.
МГ belsat.eu