Беларусі не дазволілі адмяніць мыты на электрамабілі


Беларусь спрабавала ўвесці нулявыя мыты на ўвоз электрамабіляў у краіну, але іншыя дзяржавы Еўразійскага эканамічнага саюзу не дазволілі ёй гэта. Адпаведны адказ з Дзяржаўнага мытнага камітэту Беларусі атрымалі падпісанты петыцыі на партале petitions.by.

Лукашэнка схлусіў: Маск сказаў, што не дарыў яму «Тэслу»

Аўтары звароту прасілі адмяніць мыты на ўвоз электрамабіляў для фізічных асоб. На іх думку, гэта мусіла спрыяць абнаўленню аўтапарка краіны, паляпшэнню экалагічнай абстаноўкі і развіццю выкарыстання экалагічнага транспарту з улікам планаванага запуску БелАЭС.

У адказе з Дзяржаўнага мытнага камітэту паведамляецца, што Беларусь прапаноўвала іншым краінам ЕАЭС скасаваць мыты на электрамабілі яшчэ ў канцы 2017 года, але яе не падтрымалі.

Румасу паказалі электрамабіль і суперкампутар беларускай вытворчасці

Тым не менш, Менск працягне прасоўваць ідэю нулявых мытаў «з улікам інтарэсаў айчынных вытворцаў і спажыўцоў электрамабіляў».

Зараз стаўка мыта складае 15% ад кошту электрамабіля.

МГ belsat.eu

Глядзі таксама
Каментары