Старшыня праўлення «Беларусбанка» Віктар Ананіч раскрыў некаторыя прычыны ўвядзення напрыканцы мінулага году мараторыю на прадстаўленне новых крэдытаў на будаўніцтва і набыццё жытла па-за партнёрскімі праграмамі і праграмамі будаўніцтва з дзяржаўнай падтрымкай.
«Стабілізацыя фінансавага рынку дала магчымасць істотна знізіць за апошнія гады стаўку па крэдытах, якія выдаюцца на набыццё жытла. Разам з тым рынак нерухомасці адрэагаваў на даступнасць іпатэчных крэдытаў не ростам цікавых прапановаў, але істотным змяненнем і ростам коштаў на квадратны метр. Мы часам назіралі выпадкі, калі кошты на квадратны метр жылля, пабудаванага ў 60-70 гады, быў роўны кошту квадратнага метра ў новабудоўлях. Напэўна, гэта таксама не правільна», – заявіў старшыня банку.
Пры гэтым ён распавёў і пра перспектывы далейшых дзеянняў банку.
«Згодна партнёрскіх праграмаў банкі не змянілі свае ўмовы крэдытавання і мы крэдытуем і будзе крэдытаваць на ранейшых умовах. Акрамя таго, захаваны ўмовы крэдытавання паводле ўказу №240. Працуюць і захаваныя ўмовы па праграме будзберажэння, распрацаваныя «Беларусбанкам». Акрамя «Беларусбанку» у краіне працуе больш за 20 камерцыйных банкаў. Яны таксама даюць крэдыты на набыццё жылля. Я думаю кліенты, жыхары Беларусі маюць з чаго выбіраць«, – дадаў ён.
«Беларусбанк»з восьмага лістапада летась і да канца году прыпыніў выдаванне крэдытаў на набыццё жытла. Пазней мараторый быў працягнуты да 31 студзеня сёлета. Выглядае на тое, што і пасля гэтай даты рашэнне не будзе адменена.
Адмента, што пасля прыняцця «Беларусбанкам» рашэння пра прыпыненне выдачы жыллёвых крэдытаў, аналагічныя меры ўвялі і некаторыя іншыя беларускія банкі.
СК, belsat.eu