У Беларусь ідзе скандынаўскі антыцыклон, сфармаваны ў халоднай паветранай масе. Нас чакае марознае надвор’е пераважна без ападкаў.
У аўторак 27 лістапада пераважна без ападкаў, месцамі па паўночным усходзе пройдзе невялікі снег. Уначы і раніцай магчымы слабы туман. На асобных участках дарог захаваецца галалёдзіца. Тэмпература ўначы ад -3 да -9, пры праясненнях паветра да -12, максімальная тэмпература ўдзень ад 0 да -6.
28 лістапада будзе без істотных ападкаў. Таксама галалёдзіца. Уначы ад -5 да -11, удзень да -7.
29 лістапада – без ападкаў і з галалёдзіцай. Уначы ад – 8 да – 15, месцамі да -18, удзень ад -2 да -9.
30 лістапада – без ападкаў і з галалёдзіцай. Уначы ад –7 да – 14, на ўсходзе ад -15 да -18, удзень ад -2 да -8.
Дзеля бяспекі ратавальнікі МНС рэкамендуюць не насіць на вуліцы абутак на абцасах, не спяшацца, наступаць на ўсю падэшву. Пры гэтым ногі павінны быць злёгку разняволеныя, рукі вольныя.
Пажылым людзям рэкамендуецца выкарыстоўваць кій з гумовым наканечнікам ці адмысловую завостраную палку. Калі Вы паслізнуліся, прысядзьце, каб знізіць вышыню падзення. У момант падзення паспрабуйце згрупавацца і перакаціцца, каб змякчыць удар аб зямлю.
Пры атрыманні траўмы неадкладна звярніцеся ў траўматалагічны пункт або выклікайце хуткую дапамогу.